DOKK / manpages / debian 13 / apt-src / apt-src.1p.gl
APT-SRC.GL(1p) User Contributed Perl Documentation APT-SRC.GL(1p)

apt-src - xestión de árbores de paquetes fonte de debian

apt-src [opcións] ordes

apt-src [opcións] install|remove paquete1 [paquete2 ...]

apt-src location pkg

apt-src é unha interface por liña de ordes para descargar, instalar, actualizar e controlar os paquetes fonte de debian. Pode executarse coma usuario normal ou administrador.

Os paquetes fonte non se instalan nunha única ruta, ao contrario cos paquetes binarios. «Instálanse» desempaquetando a estrutura de cartafoles nun directorio, que pode estar en calquera ruta. Un mesmo paquete fonte pode instalarse varias veces, en distintos lugares. Este programa xestiona os paquetes fonte instalados deste xeito, e prové ferramentas para consultar e atopar onde se instalaron os paquetes fonte.

Se non se indican as opcións -h ou --help, deberase empregar algunha das opcións abaixo descritas.

Actualizar a listaxe de paquetes. Equivalente a apt-get update, e precisa de permisos de administrador na configuración predeterminada.
Instalar o paquete ou paquetes fonte mencionados no directorio actual. Se xa existe, intentará actualizalo.

Esta orde acepta nomes de paquetes binarios ou fonte. Igual ca apt-get install, pódese engadir =versión-do-paquete ou /versión-de-debian antes do nome para especificar que versión do paquete fonte escoller.

Tamén encargarse de cumprir coas dependencias de compilación do paquete fonte.

Se se engade a opción --location o paquete fonte instalarase no lugar indicado, no canto do directorio actual.

Se se engade a opción --build, compilarase calquera paquete instalado ou actualizado.

Actualiza todos os paquetes fonte instalados, ou, se se empregar as opción --location ou --here, só actualizar os paquetes do directorio indicado.

Se se engade a opción --patch (por omisión), apt-src intentará xerar un parche cos cambios locais, e aplicará estes cambios ao código actualizado. Isto permite preservar os cambios locais tras actualizar os paquetes, inda que nalgúns casos pode que se precise xuntar os cambios a man.

Se se engade a opción --build, compilarase calquera paquete instalado ou actualizado.

Elimina o paquete ou paquetes fonte indicados. Pódense empregar as opcións --location e --here para só eliminar os paquetes do directorio especificado.
Compila as fontes indicadas. Instalará o paquete axeitado se non se fixo xa.
Limpa os directorios do paquete ou paquetes indicados. Pódense engadir as opcións --location e --here para só limpar os paquetes dun directorio específico.
Esta opción permite indicarlle a apt-src a existencia dunha fonte sen empaquetar. Ademais do nome baixo o que importala, deberase engadir a ruta do código (con --location), e pode precisarse indicar a versión da fonte (con --version). A orde build pode que non funcione se a fonte non contén un directorio debian/.
Sen máis parámetros, amosa unha listaxe dos paquetes fonte instalados, o seu estado e onde se instalaron. Se se engade o nome dun paquete, só amosará as instancias instaladas dese paquete. Se se engaden as opcións --location ou --here, só amosarán os paquetes no directorio indicado.
Toma coma único parámetro o nome dun paquete fonte. Se se instalou o paquete, devolverá a ruta na que se atopa.

Esta orde pode ser útil ao incluír ficheiros doutro paquete fonte. Por exemplo:

 -I`apt-src location paquete`
Toma como único parámetro o nome dun paquete fonte. Se se instalou o paquete devolverá a versión que está instalada.
Toma como único parámetro o nome (acepta tamén expresións regulares) dun paquete fonte. Devolve o nome do paquete fonte instalado coincidente, se existe.

Todas as opcións poden engadirse ao ficheiro de configuración. As descricións indican as opcións a engadir. Para opcións booleanas pódense sobrescribir no ficheiro predeterminado empregando a sintaxe -f, --no-f, -f=no ou variacións.

Amosa o texto de axuda.
Compila os paquetes fonte tras instalalos ou actualizalos. Configúrase mediante: APT::Src::Compile.
Instala os paquetes tras compilar as fontes. Implica --build. Configúrase mediante: APT::Src::InstallDebs.

Teña en mente que instalaranse todos os paquetes binarios xerados a partir do paquete fonte.

Intentar parchear os cambios locais no novo código tras actualizar. Activado por omisión, use --no-p para desactivalo. Configúrase mediante: APT::Src::Patch.
Especifica o directorio no que operar. Configúrase mediante: APT::Src::Location.
Só operar en paquetes no directorio actual Configúrase mediante: APT::Src::Here.
Só funciona coa orde version. Omite a parte de debian do número de versión na saída.
Non borrar os .deb e os resultados da compilación tras instalalos coa opción --installdebs. Configúrase mediante: APT::Src::KeepBuilt.
Non borrar o código fonte tras eliminar o paquete fonte. Configúrase mediante: APT::Src::NoDeleteSource.
--version
Especifica a versión da fonte. Úsase coa orde import.
Manda toda a saída por pantalla a /dev/null, excepto se ocorreu algún fallo. Configúrase mediante: APT::Src::Quiet.
Amosa cada orde segundo se executar. Configúrase mediante: APT::Src::Trace.

Ademais das opcións anteriores, hai algunhas opcións menos usadas que só se poden configurar en ficheiros, /etc/apt/apt.conf e ~/.apt-src/config. Son:

A orde a usar para compilar o paquete. Execútase no directorio raíz, por omisión é "dpkg-buildpackage -b -us -uc", con "-rfakeroot" se o usuario non é administrador.
Que orde empregar se un usuario normal precisa de permisos elevados. Isto úsase, por exemplo, para satisfacer as dependencias de compilación. sudo(8), o valor por omisión, é unha boa opción. Para cambiar a su(1), hai que mudar esta opción a "su -c".
Controla se apt-src controla que todas as dependencias de compilación estean presentes ao instalar ou actualizar. Verdadeiro por omisión. Se se desactiva pode que algúns paquetes non compilen por falta de dependencias.

Pódense usar indistintamente os nomes de paquetes binarios ou de paquetes fonte ao instalar novos paquetes fonte.

No resto de casos, ao tratar de paquetes instalados, hai que empregar os nomes dos paquetes fonte (isto pode mudar no futuro). Porén, tamén se poden usar expresións regulares para os nomes.

Este programa escribe APT_SRC_BUILD durante a compilación.

Para instalar a fonte de mutt(1) en /usr/src, compilalo e instalar os paquetes resultantes:

  apt-src install --location=/usr/src -i mutt

Para controlar os cambios a este mutt(1) fonte instalado, e instalar o compilado cando salga unha nova versión:

  apt-src install -i mutt

Para instalar unha copia local do paquete foo, ao que se lle aplicará un parche local:

  apt-src install foo
  cd foo-version
  patch <~/meu-parche-de-foo
  apt-src build --installdebs foo

Para actualizar a copia local de foo, parcheala, compilar e instalar o resultado:

  apt-src install -i foo

Para importar o código en /usr/src/linux, obtido dun arquivo de www.kernel.org (ou do paquete kernel-source), para que apt-src o coñeza:

  apt-src import kernel --location=/usr/src/linux --version=2.4.18

No caso de ter un módulo do núcleo que precisa saber se se está a empregar apt-src, e nese caso darlle os valores axeitados a KVERS, KSRC e KDREV para make-kpkg(1), engadir o seguinte a debian/rules:

  ifdef APT_SRC_BUILD
  KDREV=$(shell apt-src version kernel\(-source.\*\)\?)
  KSRC=$(shell apt-src location kernel\(-source.\*\)\?)
  KVERS=$(shell apt-src name kernel\(-source.\*\)\? | sed s/kernel-source-//)
  endif

/etc/apt/sources.list
Dende onde obter os paquetes
~/.apt-src/status
Ficheiro de estado de apt-src, listaxe de paquetes instalados.
/etc/apt/apt.conf
Ficheiro de configuración global de apt-src (and apt(8)).
~/.apt-src/config
Ficheiro de configuración local do usuario de apt-src.

apt-get(8), sources.list(5), dpkg-source(1)

Creado por Joey Hess <joeyh@debian.org>, 2002

Este programa é libre. Para saber as condicións de redistribución, consulte a Licenza Pública Xeral de GNU, versión 2 ou posterior. Esta obra publícase sen ningún tipo de garantía.

2025-03-29 perl v5.40.1